असितकृतं शिवस्तोत्रम्

Name: Asita Krita Shiva Stotram
Author: Asita

Asita · Stotra · 9 verses

असित उवाच

जगद्गुरो नमस्तुभ्यं शिवाय शिवदाय च ।
योगीन्द्रणां च योगीन्द्र गुरूणां गुरवे नम: ।।1

मृत्योर्मृत्युस्वरूपेण मृत्युसंसारखण्डन ।
मृत्योरीश मृत्युबीज मृत्युञ्जय नमोऽस्तु ते ।।2

कालरूपं कलयतां कालकालेश कारण ।
कालादतीत कालस्य कालकाल नमोऽस्तु ते ।।3

गुणातीत गुणाधार गुणबीज गुणात्मक ।
गुणीश गुणिनां बीज गुणिनां गुरवे नम: ।।4

ब्रह्मस्वरूप ब्रह्मज्ञ ब्रह्मभावनतत्पर ।
ब्रह्मबीजस्वरूपेण ब्रह्मबीज नमोऽस्तु ते ।।5

इति स्तुत्वा शिवं नत्वा पुरस्तस्थौ मुनीश्वर: ।
दीनवत् साश्रुनेत्रश्च पुलकाञ्चितविग्रह: ।।6

असितेन कृतं स्तोत्रं भक्तियुक्तश्च य: पठेत् ।
वर्षमेकं हविष्याशी शङ्करस्य महात्मन: ।।7

स लभेद् वैष्णवं पुत्रं ज्ञानिनं चिरजीविनम् ।
भवेद्‌धनाढ्यो दुःखी च मूको भवति पण्डित: ।।8

अभार्यो लभते भार्यां सुशीलां च पतिव्रताम् ।
इहलोके सुखं भुक्त्वा यात्यन्ते शिवसंनिधिम् ।।9

इति श्रीब्रह्मवैवर्तमहापुराणे असितकृतं शिवस्तोत्रं सम्पूर्णम् ।

More scriptures